FONS Vennae

FONS Vennae

vulgo Fouvent, castrum Galliae, in Lingonibus. Hadr. Vales. in hac voce etc. Acidulas et Fontes vinosos, in Germania, videre est ad opp. Sualbach; in Gallia ad opp. S. Baldomani, in agro Ludgunensi, quibus nomen le Fontainefort, quasi dicas, Fons fortis. Alios in Aquitania, prope urbem Bessam; in Hispania, prope S. Mauritii vicum etc. Nec omittendus Fons iuxta Paterbornam Methorn vulgo, cuius unus rivus aquâ clarâ, subcoeruleâ, tepidâ et ebullienti fluit; Alter frigidâ, turbidâ, albicanti et sapore fortiori praeditâ; Tertius mediae inter utrumqueve naturae, aquâ subviridi, clarâ, acidiqueve nec iniucundi sporis: E' quorum medio quae bibunt aves, mox tremere incipiunt, et convulsionibus correptae moriuntur, compertumqueve est esctarum pulmones et intestina quasi contracta apparuisse. In Xansia regni Sinensis provincia magno numero videre est Fontes Igneos, quibus etiam ad coctionem incolae utuntur, Neuhofius Itin. Chin. p. 12. In Herefordiensi Com. Angliae, prope Castellum Richardi Richards Castle fons est Fons Ossium, vulgo the Bonewell, communiter dictus, quod ossiculis fluat, iis, qui in ranis sunt, non dissimilibus; quae licet omnia eximantur, postridie eadem tamen copiâ scatet. Plura talia Fontium miracula vide apud Varenium Geogr. l. 1. c. 7. Prop. 17. Acidalia, Boeotiae apud Orchomenon. Aganippe, Boeotiae, ad Heliconem montem. Albuneus, in Latio, apud Tybur. Arethusa, apud Syracusas, in Sicilia. Callirhoe, apud Athenas, in Attica. Castalius, Phocidis, ad Parnassi montis radices. Clitorius, apud Clitorium urbem Arcadiae. Cruno, Atticae. Cyane apud Syracusas, in Sicilia. Dirce, apud Thebas, Boeotiae. Dircenna, apud Bilbilim, Hispaniae. Gargaphie, apud Plateas, in Boeotia. Hippocrene, ad Heliconem montem. Libethros, Magnesiae, in Thessalia. Liriope, apud Thespias, in Boeotia; ubi Narcissus puer suflocatus. Magaea, apud Syracusas in Sicilia. Salmacis, Cariae, apud Halicarnasaum, qui est Salmax. Virbius, Laconiae, in Peloponneso.